Աղից վնասը, հնարավոր է, խիստ չափազանցված է

Մեր օրգանիզմն, ըստ երևույթին, գիտի, թե օրական որքան աղ է իրեն անհրաժեշտ, և բավականին խիստ պահպանում է այդ չափը, այնպես որ, պարզվում է շատ ուտելն այստեղ դժվար է։

Սիրտ-անոթային համակարգի հիվանդություններով տառապողներին սովորաբար խորհուրդ են տալիս օգտագործել հնարավորինս քիչ աղ. ասում են, որ դրա ավելցուկը խթանում է ճնշման բարձրացմանը և վնասում սրտին ու անոթներին։ Բայց ի՞նչ է նշանակում «աղի ավելցուկ», ո՞ր քանակն է համարվում նորմալ, ո՞րն՝ ավելցուկային, իսկ ո՞րը՝ բավարարար, որպեսզի հնարավոր լինի խուսափել սիրտ-անոթային խնդիրներից։
Աղի օգտգործման չափը փորձել են բազմիցս պարզել (իհարկե, ելնելով օրգանիզմի ֆիզիոլոգիական պահանջներից), ԱՄՆ-ում, օրինակ,  առողջ մարդուն խորհուրդ են տալիս օգտագործել օրական 2,3 գ.-ից ոչ ավելի, իսկ սրտի խնդիրներ ունեցողներին՝ ոչ ավելի, քան 1,5 գ.։

Սակայն, այս նորմերը, ինչպես պարզել են Դևիսի կալիֆորնիական համալսարանում (ԱՄՆ), խիստ նվազեցված են։ American Journal of Hypertension-ում գիտնականները հրատարակել են մի հոդված, որում ասվում է, որ աղի օրական նորմալ քանակը կազմում է 2,6-4,8 գ.։ Դեյվիդ Մակերոնը և նրա գործընկերները այս սահմանը հստատել են վերջին 50 տարիների ընթացքում 45 երկրներում անց կացված բժշկական հետազոտությունների տվյալները հետազոտության ենթարկելու ճանապարհով։

Վիճակագրությունն ընդգրկել է ավելի քան 50 հազար մարդ, և նրանք բոլորն էլ օրական օգտագործել են միջինում 3,65 գ աղ, ընդ որում, ստորին նորմալ սահմանը կազմել է, ինչպես արդեն նշվեց, 2,6 գ, իսկ վերինը՝ 4,8 գ։

Այն, որ այս ցուցանիշը կես դարում չի փոխվել և կախված չի եղել ո՛չ ազգային պատկանելիությունից, ո՛չ անհատական օրակարգից, գիտնականներին ստիպել է անել այն եզրակացությունը, որ աղի օգտագործումը բավականին խիստ կարգավորվում է մեր ֆիզիոլոգիայով։ Այսինքն, օրինակ, աղի կամ անալի ուտելու ցանկությունը կախված է նյարդային համակարգի աշխատանքից, ինչը կարգավորում է աղի մակարդակն օրգանիզմում։

Մի կողմից, սա նշանակում է, որ շատ աղ օգտագործելու վախը չափազանցված է. սահմանից բարձր քանակով աղ օգտագործել մեզ թույլ չի տա մեր սեփական օրգանիզմը։ Մյուս կողմից, «առողջ» նորմերը խիստ իջեցված են. նույնիսկ եթե մոռանանք սիրտ-անոթային համակարգի հիվանդությունների մասին, առողջ մարդու համար խորհուրդ տրվող աղի քանակը ցածր է պահանջվածից։

Սրա հետ կապված հարց է առաջանում, այդքան մե՞ծ է վնասն աղից, եթե, առաջին հերթին, դրա առողջապահական նորմերը չեն համապատասխանում իրականությանը, իսկ երկրորդ, մեր օրգանիզմը գիտի, թե որքան աղ է իրեն անհրաժեշտ։

Հարցեր, պատասխաններ, մեկնաբանություններ